ក្រុងសៀមរាប ជាក្រុងមួយក្នុងចំណោមក្រុង-ស្រុកទាំង១៣ នៃខេត្ដសៀមរាបមានព្រំប្រទល់ខាងកើត​ជាប់នឹងស្រុកប្រាសាទបាគង ខាងលិចជាប់នឹងស្រុកពួក ខាងជើងជាប់នឹងស្រុកអង្គរធំ និងស្រុកបន្ទាយស្រី ខាងត្បូងជាប់នឹងបឹងទន្លេសាប មានចម្ងាយប្រមាណ ៣១៤គីឡូម៉ែត្រ ពីរាជធានីភ្នំពេញ តាមបណ្តោយផ្លូវជាតិលេខ៦។ ក្រុងសៀមរាបចែកចេញជា ១២សង្កាត់ មានចំនួន ៩៩ភូមិ មានផ្ទៃដីសរុបចំនួន ៤២៤.៧៣គីឡូម៉ែត្រការ៉េ មានគ្រួសារសរុបចំនួន ៦៩,៤៥៩គ្រួសារ ស្មើនឹងប្រជាពលរដ្ឋសរុបចំនួន ២៩៩,៥៦២នាក់ ស្រីចំនួន ១៥១,៩២៤នាក់ ដែលមានអត្រាកំណើនប្រជាពលរដ្ឋប្រចាំឆ្នាំចំនួន ២.២%។ ក្រុមប្រឹក្សាក្រុង មានចំនួន ២១រូប ជាស្ដ្រី ៤រូប គណៈអភិបាលក្រុង មានចំនួន ០៧រូប ក្នុងនោះអភិបាលរងមានចំនួន ០៦រូប ជាស្ដ្រីចំនួន ០២រូប នាយករដ្ឋបាល នាយករងរដ្ឋបាលមានចំនួន ០២រូប  ការិយាល័យ អង្គភាពចំណុះក្រុង មានចំនួន ១៣ការិយាល័យ/អង្គភាព ក្នុងនោះប្រធានមានចំនួន ១២រូប អនុប្រធានមាន​ចំនួន ២១រូប មន្ត្រីមានចំនួន ៦៤រូប ស្មៀនសង្កាត់ចំនួន ១២រូប និងមន្ត្រី​កិច្ចសន្យា​មានចំនួន ២៨រូប។